Como alcaldesa de Vilasantar, quero darvos a benvida a este espazo virtual, lugar de encontro nun mundo inexistente  que  nunca poderá substituír a realidade viva que configuran as persoas e o territorio destas terras da montaña Galega.

 

 Desde esta porta poderemos acceder a moita información relacionada co Concello de Vilasantar:  actos, programas, cursos, actividades culturais e deportivas, axudas (educación, cultura, asociacións), eventos, proxectos, turismo, etc.), mais todo iso nunca nos fará esquecer que a realidade está desta parte da web, en Armental, en Barbeito, en Mezonzo , en Présaras , en San Vizenzo, en Vilariño en Vilasantar.

 

Só pretendemos desenvolver un espazo no que as novas tecnoloxías da comunicación permitan o diálogo entre os cidadáns e a Administración, sabedores e sabedoras  de que a verdadeira comunicación se dá no intercambio directo de comunicación entre veciños e veciñas.

 

Benvidos e benvidas  a esta páxina.

 

Esperamos que non fiquen varados nela e se animen a visitarnos. Moitos son os ríos que conducen aquí.

 

 E moitas as historias que a nós remeten.

 

 

Manuela García Freire

Alcaldesa de Vilasantar