eventos
Recollida de plásticos agrícolas
O xoves, 9 de abril, a empresa encargada fará a recollida nos lugares anotados.
Podes anotarte ata o venres, 5 de abril, chamando ao 981 778 169.
Os plásticos deberán estar debidamente atados en fardos. Estes plásticos almacenados e preparados para a súa recollida deberán ter a menor suciedade posible, procedente da terra, herba ou materia orgánica, e evitar conter outras materias impropias (tubaxes de PVC, garrafas, sacos big-bag, rodas…) que poden dificultar os traballos de reciclaxe e tratamento final de recuperación para novos usos. Nese caso será rexeitada a recollida.
Os fardos deben estar a disposición nun punto de fácil acceso para o camión de recollida.
Novas
Aberta a preinscrición para o campamento de Semana Santa
Xa se pode preinscribir aos nenos e nenas de 3 a 12 anos para o campamento de Semana Santa. Preinscrición aberta ata o 21 de marzo.
O campamento terá lugar os días 25, 26 e 27 de marzo e 1 de abril, de 10.00 a 14.00 h, no CEIP de Présaras.
As prazas asignaranse por orde de inscrición, dando prioridade aos nenos e nenas empadroados. As follas de inscrición pódense entregar en dependencias municipais ou na sede electrónica do Concello de Vilasantar.
Máis información: 981 77 82 57
eventos, Novas
I Festa do Bacalao en Vilasantar
Que ganas tiñamos de poder comunicar a próxima gran festa do noso Concello! Reserva o día completo, porque temos xolda para largo.
- 27 de abril
- Xardín botánico de Présaras
Podes adquirir os teus tíckets na casa do concello ou en calquera bar. O custe do xantar é de 30 euros por persoa e o menú será ensalada de bacallau, empanada de bacallau e bacallau ao forno, ademais de viño, sobremesa e café. O produto será de primeira calidade, como non pode ser doutro xeito tratándose de Bacallaos Boado.
Ademais teremos sesión vermú a cargo do DÚO Reflejos, inchables para a cativada e á noite… 𝐅𝐞𝐬𝐭𝐚 𝐝𝐚 𝐱𝐮𝐯𝐞𝐧𝐭𝐮𝐝𝐞 co DÚO Reflejos e a orquestra París de Noia! Pero ollo, que a xuventude de corazón e mente tamén será máis que benvida á troula!
Novas
9 de marzo, Día das persoas desaparecidas sen causa aparente
Declaración institucional da Federación Española de Municipios e Provincias
En España o 9 de marzo é o Día das Persoas Desaparecidas sen causa aparente. A institución deste día, adoptada por unanimidade no pleno do Congreso dos Deputados en 2010, mantén plena a súa vixencia ante a incontestable realidade das preto de trinta mil denuncias por desaparición que se rexistran anualmente no noso país.
O Centro Nacional de Desaparecidos (CNDES) actualiza cada 9 de marzo as estadísticas e rinde conta da acción desenvolta dentro do primeiro Plan Estratéxico aprobado polo Consello de Ministros en 2022 e aínda vixente. Un plan expresamente orientado a paliar o sufrimento de todas e cada unha das familias golpeadas pola incertidumbre sobre o paradoiro dalgún ser querido e a inquedanza de non saber se está vivo ou morto.
En 2024 as estadísticas seguen a confirmar a terrible realidade das desaparicións e o seu impacto traumático en familias e achegados, en especial nos casos que permanecen sen resolución tras moitos anos ou incluso décadas. A atención ás familias afectadas é hoxe en día a tarefa máis relevante do CNDES, xunto ao papel de dinamizador da formación e coordinación das Forzas e Corpos de Seguridade.
Tanto a Garda Civil como a Policía Nacional, e tamén os Mossos d’Esquadra, a Ertzaintza e a Policía Foral de Navarra, están a piques de adoptar un protocolo único de actuación. Trátase dunha insistente demanda co obxectivo de mellorar a celeridade na resposta nas primeiras horas da desaparición. Nesta tarefa, as policías locais e os equipos de Protección Civil e Emerxencias teñen un papel determinante como axentes locais: os primeiros en tomar contacto cunha desaparición e os primeiros en dar amparo ás familias afectadas. O compromiso das entidades locais que integran a FEMP é optimizar cantos servizos municipais sexan posibles e avanzar nunha coordinación eficaz co conxunto das Forzas e Corpos de Seguridade.
Así mesmo, as entidades locais representadas na FEMP queren revalidar o seu compromiso como institucións sensibles coas desaparicións de persoas, facéndose eco das principais demandas do movemento asociativo dos familiares e dando calor a quen as padece. En especial, a FEMP quere poñer de relieve a súa chamada de atención sobre o incremento de desaparicións debidas a problemas de saúde mental e casos de deterioro cognitivo como o alzhéimer, así como o terrible índice de once suicidios diarios en España, que tamén son causa de desaparición con resultado fatal.
As entidades locais integradas na FEMP damos tamén o noso apoio á demanda do Estatuto da Persoa Desaparecida, para que se tramite sen máis demora como lei específica que dea resposta aos dereitos e demandas dos familiares e achegados que sofren a súa ausencia.
#TodosYTodoPorEncontrarlos #NosFaltan
igualdade
Manifesto do 8M, Día da Muller
Federación Española de Municipios e Provincias
O día 8 demarzo ten as súas raíces na loita das mulleres polos seus dereitos. En 1908, un grupo de mulleres traballadoras textís declarouse en folga en Nova York para protestar polas súas condicións laborais inhumanas e esixir mellores salarios, horarios e condicións de traballo. Esta folga foi unha importante precursora para os dereitos das mulleres.
Indubidablemente avanzouse moito, pero somos conscientes de que aínda queda moito por facer e os Concellos, Deputacións, Cabildos e Consellos Insulares xogamos un papel esencial para lograr a igualdade real tan precisa que todos e todas desexamos.
No Día Internacional da Muller, as entidades locais comprometémonos a promover a igualdade de xénero en todas as áreas da sociedade. Recoñecemos que aínda existen desigualdades sistémicas que afectan ás mulleres nas nosas comunidades e comprometémonos a abordalas de xeito activo e efectivo, tendo especial sensibilidade con aquelas mulleres que máis complicado o teñen, como as que sofren unha discapacidade, mulleres migrantes, de diferentes etnias e mulleres que viven no mundo rural.
Non se pode progresar sen a metade da poboación, que son as mulleres, nin a costa delas. Tal como expresa Nacións Unidas, «a igualdade de xénero é o maior desafío actual en materia de dereitos humanos». Ademais, o progreso das mulleres é un factor que beneficia a toda a sociedade.
Reafirmamos o noso compromiso cos dereitos humanos de todas as mulleres e nenas, incluíndo o dereito á igualdade, á autonomía sobre os seus corpos e decisións e á eliminación de todas as formas de violencia e discriminación baseadas no xénero. Por iso, comprometémonos a cumprir as medidas implementadas no Pacto de Estado contra a Violencia de Xénero. É imprescindible renovar o gran logro social e político que supuxo dito pacto e xuntar esforzos e incrementar recursos de prevención para atender ás mulleres vítimas das violencias de xénero.
Comprometémonos a implementar políticas e programas que promovan a igualdade de xénero no acceso á educación, o emprego, a saúde, a participación política e a toma de decisións en todos os niveis.
Instamos a todas as etidades locais a adoptar medidas concretas para alcanzar a paridade na toma de decisións e acabar coa fenda salarial de xénero, terminar coa parcialidade involuntaria á que se ven abocadas as mulleres, garantir a representación equitativa de mulleres en todos os ámbitos da vida pública e promover unha contorna segura e respectuosa para todas as mulleres e nenas. É imprescindible fomentar os servizos de coidados dende o público para facilitar que a maternidade non penalice ás mulleres no mercado laboral, porque sobre elas recae o peso dos coidados.
Facemos un chamamento á acción ás nosas comunidades para que se unan en solidariedade coas mulleres de todo o mundo e traballen xuntas para crear un futuro máis xusto e igualitario para todas as persoas, independentemente do seu xénero. As políticas de igualdade deben ser transversais e impregnar o conxunto das nosas actuacións.
Dende o ámbito local comprometémonos a seguir impulsando os avances que logren alcanzar unha sociedade mellor, máis equitativa e, en definitiva, máis democrática.
Xuntas e xuntos podemos construír un mundo onde todas as mulleres e nenas poidan vivir libres de discriminación e violencia e acadar a igualdade real!
Cultura
Premios e concursos da Deputación da Coruña
- Convocatoria do VIII premio Begoña Caamaño. Premios de ata 6.500 euros. Prazo de solicitude ata o 10 de maio de 2024. BOP 27-02-2024.
- Convocatoria do XVI Certame Antonio Fraguas Fraguas de artesanía. Premios de ata 6.500 euros. Prazo de solicitude ata o 20 de maio de 2024. BOP 27-02-2024.
- Convocatoria do XVIII Premio Luis Ksado de creación fotográfica. Premios de 6.500 euros. Prazo de solicitude ata o 31 de maio de 2024. BOP 27-02-2024.
- Convocatoria do XVI Concurso Fran Pérez Narf para grupos e artistas musicais. Premios de ata 4.000 euros. Prazo de solicitude ata o 20 de xuño de 2024. BOP 27-02-2024.
- XXXVI Premio Torrente Ballester de narrativa en lingua castelá. Premio de 15.000 euros. Prazo de solicitude ata o 15 de maio de 2024. BOP 29-02-2024.
- XXXVI Premio Torrente Ballester de lingua galega. Premio de 15.000 euros. Prazo de solicitude ata o 15 de maio de 2024. BOP 29-02-2024.
- XIX Premio Castelao de banda deseñada. Premio de 6.500 euros. Prazo de solicitude ata o 10 de maio de 2024. BOP 27-02-2024.
- XV Rosalía de Castro de lingua. Premio de 5.000 euros. Prazo de solicitude ata o 30 de abril de 2024. BOP 04-03-2024.
- XIX Premio internacional Jesús Núñez de arte gráfica. Premio de ata 6.500 euros. Prazo de solicitude ata o 5 de xullo de 2024. BOP 27-02-2024.
- XXII Premio Miguel González de poesía. Premio único de 6.500 euros. Prazo de solicitude ata o 30 de abril de 2024. BOP 27-02-2024.
- XVIII Premio Raíña Lupa de literatura infantil e xuvenil. Premio de ata 6.500 euros. Prazo de solicitude ata o 30 de abril de 2024. BOP 29-02-2024.
Máis información no Departamento de Cultura do Concello de Vilasantar e no Boletín Oficial da Provincia citado en cada convocatoria.